متصفح جوجل الجديد

السلام عليكم 

كما عرفمتموني وعرفمتم مدونتي باالانفراد والسبق دائماً.

اليوم مع متصفح جوجل الذي أذهلني بصدق

 

أولا:لماذا قامت جوجل بعمل هذا المتصفح؟ إضغط هنا

ثانيا:مميزات المتصفح : إضغط هنا

أما مميزاته من وجهة نظري 

1-انه سهل عملية البحث جدا فلم أعد مضطرا لفتح موثع جوجل للبحث مجرد انني أكتب كلمة البحث في شريط عنوان الرنامج فيقوم بإعطائي النتائج في الشريط .

2- خفيف مقارنة بالانترنت اكسبلور والفايرفوكس.

3-بسيط في التصميم وسهل في التعامل.

4-الان أصبح بإمكاني نسخ اي رابط لصورة او لموقع بسهولة جدا مجرد كليك يمين على الصورة واختيار نسخ الرابط.

ومميزات  أخرى كثيرة أتركها لكم لتكتشفوها.

والان الى التحميل

البرنامج باللغة العربية

البرنامج باللغة الانجليزية

ومنتظر تعليقاتكم

خلفيات رمضانية

السلام عليكم ورحمة الله وبركاته
أولا أحب أن اهنئ العالم الاسلامي بقرب حلول شهر رمضان المبارك
بلغنا الله اياه
وبمناسبة هذه الذكرة العطرة أهدي إليكم هذه الخلفيات
وأنتظروني في رمضان ان شاء الله
مع سسلة
"رمضان حول العالم"
---------------------------
ونبدأ بإسم الله

هذه اخر اعمالي

وهناك المزيد من الخلفيات الرائعة

لمشاهدة هذه الخلفيات
إضغط هنااا

ولتحميل كافة الصور التي شاهدتها برابط واحد

اقرا بقة الموضوع

الروابط

من موقع الارشيف
إضغط هنا

التبادل الاعلاني المجاني

السلام عليكم

عزيزي الزائر

لديك مدونة؟؟؟

لديك موقع؟؟؟

الان افتح باب التبادل الاعلاني المجاني في مدونتي

لوضع اعلانك في مدونتي وفي المقابل تضع اعلاني في موقعك

أو مدونتك

ارسل لي البيانات في رسالة على الايميل التالي :

shakercs@gmail.com

وتتضمن عنوان الموقع وصورة البنر

مقاس

(العرض =196 و الطول=196)

أو مقاس

(العرض=494 و الطول=59)

ولا يتم قبول اي موقع او مدونة بها مادة مخالفة للاداب الاسلامية

محمود شاكر

164 قالب لمدونات بلوجر

سلام عليكم

لأول مرة على المواقع العربية والمنتديات والمدونات اكبر حزمة تجميعية لإستايلات المدونات من نوع بلوجر .أستايلات مميزة التصميم جدا جدا جدا ويوجد مفاجأة كبرى أيضا تم تحويل جميل الاستايلات الافتراضية من صفين الى 3 صفوف حتى تشبه المدونة الموقع وافضل أنفرد بهذه المفاجأة في مدونتي .

الروابط

رابط صاروخي مباشر

أضغط هناااااااااااااااااا

العرب وايران

السلام عليكم ورحمة الله

ان شاء الله سنبدأ أسبوعيا وضع صورة ووضع التعليقات عليها ونبدأ بهذا الكاريكاتير

وننتظر التعليقات

قناة الجزيرة خلف الكواليس

كيف تصمم استايل لمدونتك

والان الى التحميل

الرابط

أضغط هناااااااااا

أو

هناااااااااااااااااااااااااااا

101 مهارة في مجال التصميم بالفوتوشوب

سلام عليكم

النهاردة جايب لكم هدية يارب تعجبكم

كتاب راااائع بصيغة PDF

والان لتحميل الكتاب رابط صاروخي يدعم استكمال التحميل مباشر

حمل من هناااااااااااااااااااااااااااا

أوباما والمستقبل العربي الاسلامي

سلام عليكم

طبعا كتير مننا متابع الانتخابات الامريكة وكتير كمان ميعرفش عنها حاجة المهم من كام يوم كدة خرج عم "باراك حسين اوباما "-وهو من أصل مسلم وبعدين قعد سنتين في مدرسة اسلامية وسابها وراح مدرسة مسيحية واتنصر.التفاصيل.. - وهو بيعمل شوية دعاية انتخابية له وكان في مقر اللوبي اليهودي في امريكا (ايباك) وقال كلام كبييير قوي الكلام بالنص عشان منخرفش

وقال أوباما في خطاب ألقاه أمام الاجتماع السنوي لمجموعة الضغط اليهودية (إيباك) إن
التهديد الإيراني "خطير وحقيقي ويتعين إزالته"، مؤكدا أن الحرب على العراق عززت قوة
حزب الله وحركة المقاومة الإسلامية (حماس) وتنظيم القاعدة ونفوذ إيران في المنطقة.
وشدد أوباما على دعمه لأمن إسرائيل وحرصه على ضمان استمرار تفوقها العسكري،
واعتبر أن الذين يهددون أمنها يهددون أمن الولايات المتحدة، وندد بالذين ينفون وقوع
المحرقة في حق اليهود والذين يريدون تدمير إسرائيل والذين لا يعترفون بوجودها.
كما وعد بالتدخل شخصيا من أجل مساعدة إسرائيل على "إقامة دولتين، دولة يهودية
ودولة فلسطينية، تعيشان جنبا إلى جنب بسلام وأمن". وأضاف أن "القدس ستبقى عاصمة
إسرائيل ويجب أن تبقى موحدة"الجزيرة نت .

الكلام كبير صح؟ بالفعل الكلام ده خلى ناس كتييير قوي تزعل ! وناس كتيرة طبعا فرحانة جدا ان الرئيس الجديد حماية جديدة لإسرائيل! فاي واحدة منهم الحقيفة؟ هل "أوباما" هيدعم باردو اسرائيل ؟ ولا هيغير موقفو ؟ بصراحة انا حبيت اثير الموضوع ده عشان احط له تحليل بسيط جدا تعالو كدة نحلل مع بعض الموضوع براحة وبلاش النفخة الكدابة بتاعة العرب دي. نمسك الموضوع من الاول دلوقتي دي فترة ايه؟ هتقولي فترة انتخابات وكل مرشح بيحاول يكسب اكبر عدد من الناخبين . كويس كد؟ متفقين على دي كلنا أكيد. طيب "أوباما " قال الكلام اللي قالو ده فين؟ هتقولي قالو في وكر الصهاينة في اللوبي بتاعهم. كويس جدا طيب يا جماعة الراجل لسة في دعايتو الانتخابية وعايز يكسب أكبر عدد من الاصوات وخصوصا يكسب دعم اللوبي الصهيوني اللي كلنا عارفين انو من أقوى جمعيات الضغط على أعضاء الكونغرس الأمريكي الكونغرس الأمريكي. فلما يقول كلام زي اللي قالو ده مش هيبقى عليه لوم كبير داخل امريكا اللوم اللي عليه هيبقى من بره أمريكا وهو دلوقتي مظنش انو محتاج حاجة من حد برة أمريكا فهو في "السيف سايد" زي مبنقول . طيب يعني بالمختصر المفيد الراجل لسة منعرفش نواياه لحاد دلوقت وكلام الانتخابات حاجة وكلام المنصب أكيد -الله أعلم-هيبقى حاجة تانية. طيب والدليل على كلامي ده ايه؟ أنو "أوباما" من يومين كدة عدل كلامو شوية لما لقى ان فيه ناس كتير قلقلت من الكلام ده بس باردو لما جه يعدل الكلام بتاعو حب يمسك العصايا من النص بحيث ميزعلش الصهاينة وفي نفس الوقت ميخسرش العرب وده جزء من اللي قالو

"وقال اوباما لشبكة سي.ان.ان. الاخبارية الأمريكية عندما سئل ان كان الفلسطينيون

ليس لهم الحق في المطالبة بالمدينة في المستقبل "حسنا بالطبع سيكون الامر متروكا


للاطراف لكي تتفاوض على نطاق هذه القضايا. والقدس ستكون جزءا من تلك المفاوضات(الخبر كامل من وكالة رويترز)"

طيب كويس اتفقنا ان الكلام مش كلام نهائي وهو كلام دعاية انتخابية -إلى الان-.

طيب من ناحية تانية .
لو اعتبرنا ان الكلام ده صح واوباما بيقول الكلام ده عشان الدعاية تعالو نبص كدة على النظام السياسي الامريكي اصلا هما مين اللوبي الصهيوني دول؟ وعايز يكسب رضاهم ليه؟ هي أقوى جمعيات الضغط على أعضاء الكونغرس الأمريكي الكونغرس الأمريكي. هدفها تحقيق الدعم الأمريكي للكيان الصهيوني الموجود على أرض فلسطين.
يعني مش عايزين نجيب اللوم على الراجل .
على فكرة انا مبدافعش عن أوباما .
بس انا عايز اقول للحقيقة من اللي بيحرك مين اللي بيخطط مين اللي بينفذ ؟
كل ده لازم احنا العرب والمسلمين نكون واعيين له كويس جدا .
ومش هنفضل طول عمرنا كدة تحت امر الناس دي مسيرنا هيجي يوم وكل ده هيتغير -ان شاء الله- واليوم قريب وعشان نعجل باليوم ده يبقى لازم نعرف مين عدونا الحقيقي.
يا جماعة افتحولي ودانكوم كدة وركزووووووووووو للكلمة اللي جاية دي واقروها كويس جدا "عدونا الحقيقي هما اليهووود" وأظن ان الكلام اللي فات ده يثبت على كدة والكلام ده حاجة من الحاجات اللي تثبت ويوجد اثباتات كتيييرة جدا بس للاسف احنا نايمين على ودانا .
عايزين نصحى بقا كفايا نوم اليهود بيتحكمو في امريكا وامريكا تتحكم في الرؤساء العرب والرؤساء العرب بيتحكمو فينا احنا يبقى مين العدو ؟
يا جماعة الصراع مش صراع حضارات الصراع صراع أدياااااااااان .اليهود نفسهم يصحو الصبح ويلاقو مفيش حاجة اسمها اسلام ولا مسلمين هو ده اللي هيموتهم صاحيين نايمين يفكرو ازاي يبعدونا عن دينا ؟ بس ايه ربنا قال "ويمكرون "وبعدين القرا خلص لحد الكلمة دي؟ لالالالالالالالالالالالالالا كمل الاية "ويمكر الله والله خير الماكرين" مش هقدر اقول كلام ابلغ من كدة.
طيب دوري انا ايه في الحكاية دي؟ ياااااااه دانت انت دورك كبيييييييرجدا انت اصلا المقصود هما قاعدين يخططو لك عشان يبعدونا عن الهدف بتاعنا يشغلونا ازاي نجيب لقمة العيش ازاي نعرف ناكل ونشرب وننام وفي الاخر نموت وبس منفكرش في اي حاجة تانية خلاص نحاربهم بسلاحهم نقعد نفكر ازاي ننصر دينا ده وكفاية بقا والله الواحد بيشوف شباب مسلمين للاسف متعرفش ان كان ده ذكر ام انثى شخص عجيب ملهوش شخصية طول م احنا كدة اعرف ان هما بينجحو يا جماعة وقت النوم خلص ولازم يكون لنا كلمة لازم
يبقى احنا نحاربهم بنفس سلاحهم لازم نبقى صاحيين نايمين نفكرازاي ننصر الدين ده ونطلع م اللي احنا فيه ده.
ومنعرفش الايام اللي جاية هيكون فيها ايه يمكن "أوباما "يطلع راجل ويبقى نضيف او اوسخ من غيرو منعرفش .
بس باردو اللي انا مش عارفو هندننا امته تحت وصاية امريكا؟ ..............

ومنتظر التعليقات

هواية جنود الاحتلال جمع صور شهداء فلسطين

سلام عليكم

بصراحة لفت انتباهي قوي العنوان ده في موقع جريدة الاخبار(تصدر عن شركة "أخبار بيروت") وده الخبر:

-----------------------------------------------------

ذكرت صحيفة «معاريف» الإسرائيلية أمس أن الجنود الإسرائيليين في الوحدات القتالية يحفظون صور مقاومين فلسطينيين اغتالوهم على شاشة أجهزتهم الخلوية.ونقلت الصحيفة عن جنود قولهم إن هذه الصور أصبحت «مطلوبة» في المواقع العسكرية الإسرائيلية عند الحدود مع القطاع ويتم إرسالها من هاتف خلوي إلى آخر.والتقط هذه الصور جنود من لواء «غفعاتي» واللواء الشمالي في قطاع غزة بعد اشتباك مسلح مع مقاومين فلسطينيين بهدف منعهم من التسلل إلى إسرائيل.وقال جنود من لواء «غفعاتي» إن جمع صور القتلى الفلسطينيين بنيران الاحتلال أصبحت «هواية لعدد كبير من الجنود المقاتلين في الجيش الإسرائيلي»، وأن صوراً أخرى مشابهة يلتقطها جنود في ألوية أخرى تابعة لسلاح المشاة ويتم توزيعها عبر الهواتف الخلوية.وبرر أحد الجنود، الذي درج على جمع صور لمقاومين فلسطينيين بعد قتلهم، وشارك شخصياً في اشتباكات مسلحة في القطاع، هذه الظاهرة بأنها طريقة لمواجهة الضغوط النفسية «ولتخليد انتصار قواتنا على المخربين».ووصف جنود آخرون ممارسات زملائهم بأنها تمثّل «مهانة للميت»، لكنهم رغم ذلك أبدوا تفهماً. وأشاروا إلى أن الضباط الكبار يفضلون غض الطرف ويسمحون للجنود بجمع هذه الصور «لإزالة التوتر النفسي عنهم».(يو بي آي).

----------------------------------------------------

إيه رأيكو بقا ؟

سبحان الله ! ياجماعة الناس دي بشر ايا كانو يهود او غيرهم فهما في الاخر بشر بس للاسف البشر دول غير أي بشر دول بشر ماتت قلوبهو وسيطرت عليهم الماديات وفطرتهم اتقلبت عشان كدة هتلاقي رد الفعل ده رد فعل ازهلني فعلا منافي جدا للفطرة بيصور القتلي عشان يثبت لنفسو انه كدة يعني انتصر ده كدة بلعكس ده ه مهزوم جدا جدا مهزوم نفسيا عرفتوم يا جماعة الناس دي قد ايه ضعيفة بقا ولو احنا اتجمعنا وحطينا ادينا في ايد بعض هنمحيهم من الوجود بجد انا مش عارف افهم ازاي امه زي امتنا الاسلامية -وبقول اسلامة ومش عربية بس لاني لو قلت عربية يعني بمسح ببساطة جدا كدة دول كتييييير اسلامية - بتمتلك كل المقدرات والامكانيات دي ان كانت امكانيات مادية او معنوية وتكون بقمة الضعف ده لدرجة ان جرثومة اسمها اسرائيل تتحكم فينا وحية اسمها امريكا تحركها زي مهي عايزة.

طيب تعالو نبص عالموضوع من ناحية تانية شوفو اللي اسمها حماس دي بإمكانياتها البسيطة جدا دي قد ايه عاملة لليهود رعب وأي رعب رعب بيجيب امراض نفسية تخيلو لو كل المسلمين بقا ايد واحدة بقا ايه اللي ممكن يحصل..........!

منتظر تعلياتكم

(Shaker_cs) في جوجل

أضغط على الصورة لتراها بحجمها الطبيعي

الميكروباص

السلام عليكم ورحمة الله
كنت أنوي أن أكتب كلمة لأناقش فيها مشكلة المواصلات التي نواجهها يوميا فعند تصفحي لأحد المنتديات رأيت أحد المصريين وقد حكى قصته مع المواصلات والميكروباصات فكان عرضه للمشكلة قد أعجبني كثيرا قعرضه في المدونة وإن شاء الله أيضا سأكتب مقالي عن هذه المشكلة ولكنني هنا سأعرض هذا الكلام وأكتفي بالتعليق عليه اما الان سأترككم مع هذا الرجل المطحون .
ربنا اراد انى اركب عربيات الميكروباصات اللى على السريع طريق مصر اسكندريه الزراعى ... لما ركبت اتعرضت لشخصيات غريبه جدا وفكر جديد جدا..ما تيجوا نشوف الناس دى بتعمل ايه اول ما وصلت الموقف فى رمسيس سألت على العربيات اللى رايحه البلد اللى انا عايزها...لقيت تباع من بعيد بيقول اسم البلد...رحت رايح للسواق لقيته واقف جنب الباب...بقوله رايح فين يا اسطى ؟ قالى عفشوا... قلت له يرحمكم الله ..انا بقولك رايح فين ...بحلق فى وشى وادانى احساس انى غبى وقال ...عفشوا طبعا فضلت مبحلق له لحد ما التباع بصلى وقاللى اسم البلد... المهم ما دققتش كتير وخاصه ان السواق كان شكله غريب..كان رفيع جدا وشكله كبير ..وتانى ظهره ونافخ ريشه ..عامل زى محمد نجم ايام زمان


ركبت العربيه وطلعت ..اول ما طلعت والاقى البيه السواق ...واحنا فى وسط زحمه رمسيس ..راح عاكش الدركسيون حته عكشه ..,وضرب غرزه من اللى بالى بالك فى وسط العربيات..خلى حوالى 4 او 5 عربيات عملوا فرامل فجأه..وراح واحد منهم مطلع دماغه وزعق راح السواق الجميل بتاعنا راح سايب الدركسيون كله ومطلع دماغه من الشباك وواقف ...وبزعيق ..ما بتعرفوش تسوقوا بتسوقوا ليه... احنا طبعا شفنا المنظر ..البيه ساب الدركسيون ..وبيبص ورا ..ومنفعل تماما ...فى وسط الزحمه ..وقلبنا وقع فى رجلنا..نحاول بقه نقول له يا عم خش من الشباك..العربيه ماشيه...وده ولا هنا...لحد ما واحد من الركاب فهم الدنيا ماشيه ازاى قال له يا عم خش وسيبك منه ...ده سواق حمار ..خلينا نلحق نوصل عشان تعملك لفه تانى راح الراجل خش بعد ما كان مدلدل نصفه من الشباك..وقعد يزعق ويقول ..عندك حق يا بيه ..دول ناس بهايم ...مش عارف بياخدوا الرخص ازاى دول ..بصراحه ده اللى فهمته من الكلام...بقيه الكلام ماركه ..دول لازم ينتشتمروس...ما عندهمش بسينروكا..عايزين نتسمرنئوس عال سرتنتمونى طبعا فضل خمس دقايق يقول كلام ما فهمتش نصه ..قلت جايز ألدغ ولا حاجه الراجل طلع من الزحمه وخش عالسريع هو طلع من هنا ..,

ابتدا بقه...ماشى على حوالى 140...يا عم هدى السرعه شويه...يقول له الراجل ...سلبؤه اعتبرناها حاضر.....هدى شويه ..دقيقتين بالضبط..وراح شارخ...يا عم الحج...هدى السرعه شويه ...وده قعد يقول كلام حوالى 3 دقايق..محدش فينا فهم كلمه قلنا بقه سيبك من السواق ...راح راجل سأل التباع...هو شارب حاجه...لا والله ..هى سيجاره الحشيش بس الراجل قال له بس ...بسيطه ..افتكرته شارب حاجه... المصيبه ان التباع بيتكلم بكل وضوح...والراجل بيرد بكل برود ...الظاهر انى مش عايش فى البلد دى السواق ماشى على حوالى 140 وكل شويه ..يدى غرزه من اللى بالى بالك فى وسط العربيات...والاقى بقه الميكروباص الناس اللى فيه..اللى بيقول الشهادتين ...واللى بيقرا قران...واللى بيقول للتانى ..قلت لك تعالى صلى معايا الظهر وما ردتش تيجى الظاهر ان التباع حس بالقلق ...حب يهدى السواق..راح مطلع له شريط..وقال له حطلنا ده ..وروق كده قال له السواق ..مش سامع كل شويه يقولوا هدى...عايزين نلحق الوايلى كمان نصف ساعه... يا نهار اسود...عايز يوصلنا عالسريع ..ويرجع القاهره ...ويروح الوايلى فى نصف ساعه...انا قلت الراجل ده فى برج لاسع فى مخه ربنا يستر علينا الشريط اشتغل ..وافاجأ بشريط كوكتيل اغانى غريب .. واحد قاعد يغنى للعنب مثلا العنب العنب العنب...احمر ودمه خفيف..العنب والسواق بقه فى دنيا تانيه... قاعد يترقص فى الكرسى ....وكل ما تيجى العنب العنب العنب..الاقى السواق شال ايده من عالدركسيون وبيهزهم...ويميل ورا عالكرسى ..كأنه بيميل على راقصه كل الكلام ده على سرعه 140 الناس بقه ابتدت تتكلم..الراجل ده شكله مجنون يا جدعان...بص بيرقص ازاى ...واحد تانى ذكى بيقول له ..ويا ريت بيعرف يرقص ... واحد يقول للتانى..بس دماغه عاليه قوى...ابن اللذينه واخد صنف نضيف واحد تانى...ايه اللى ركبنى انهارده...ادى اخره التزويغ من الشغل بدرى فى الوقت ده ..2 من الركاب نزلوا فى نصف الطريق..وصلوا محطتهم..... وهما نازلين بقه...ده راجل ابن.. ربنا يكون فى عونكوا..الف سلامه ياجدعان وواحد من الراكبين ..يا بختكوا يا عم..نزلتوا خلاص طلع التباع ركب جنب السواق الاغنيه اتغيرت ...والاقى اغنيه تانيه بقه وكعبوا كعبوا.....والاقى 2 من الركاب ..بيردوا ...كعبوووووووووووو حبيبى وانا الاعبه ....كعبووووووووووو والناس اندمجت قوى..ونسيوا الدنيا كلها بقه حبيبى وانا العبه ....اوباااااااااااا يا كعبوا كعبوا ....يا واد ما تلعبووووو ...كعبووووووووووو بصراحه انا لحد كده وكنت جبت جاز....راكب انا ميكروباص مجانين السواق محشش...والتباع مش فى دماغه...والناس نازله ترقص

الراجل اللى جنبى اندمج جدا فى اغنيه كعبوا ..لدرجه انه كان بيمد بوزه قوى ...وهو بيقول كعبه ...عايش الاغنيه يا جماعه ودى شغاله...قربت منه كده شويه ..الحب عايز الملاغيه....راح قال لى فين الحنيه..يا كعبوا كعبوووووو...كعبووووووو...يلا بينا نلاعبه وكل ده والسواق سايب الدركسيون وقاعد يهز فى كتافه ..يطلع للامام ..ويرجع لورا فى الكرسى ...والناس نسيت بقه اللى بيحصل ...وتحول الميكروباص لملحمه كعبه خمس دقايق فى كعبوا ..والمغنى بعد ما خلص قدم شكره للحج شعبان عبرحيم...وذكر اهل عيلته واهل حتته...زى مطربين الافراح...مغنى محترم جدا خلصت كعبوا...والاقى هيصه مش هيصه يعنى دوشه ..هوه كله دوشه ...دى اغنيه اسمه كده لا مؤاخذه والميكروباص اتقلب فعلا هيصه وهيصه ..هيصصصصصصصه...الشاب بيرقص عالتربيزه والفلوس نازله عليه...والركاب بقه من وره ...يردوا ...هيصصصصصصصصصه طبعا فى وسط الملحمه دى...انا حسيت انى جاهل ...مش مساير العصر..الركاب كلهم حافظين الاغانى ..وانا جاهل ...معنديش حس فنى...لا عارف ارد واقول كعبوا ...,ولا حته هيصصصصصصصصصه ولقيت الراجل اللى جنبى بيبص لى ..بازبهلال...عايز يقولى ما بتردش ليه ورا الاغنيه رحت باصص له بكل براءه وقلت له ...هييييييييييييييييصه فى نصف الاغنيه الواد التباع كان نايم على نفسه..السواق بقه مندمج ولمح ده مش بيغنى...اول ما خلصت الفلوس نازله عليه..والاقى ده رقع التباع حته قفا..من اللى قلبك يحبه....لقيت التباع صحى فجأه وهو بيقول هيييييييصه الحمد لله وصلنا بسلامه ..بس السواق نزلنا على بعد 500 متر من الموقف...وقالنا معلش يا جماعه...اصل انا مش من الخط ده ..ولازم الف وارجع قبل ما اتمسك طبعا الناس نزلت من الميكروباص ...وهى بتقول لبعض ..يا عم انزل مش مشكله..المهم اننا وصلنا ..واللى يقول للتانى ..حمد الله عالسلامه..ده احنا انكتب لنا عمر جديد يا راجل.. وانا نزلت فاتح بقى ..وبغنى ..عاللى بيحصل لى عاللى بيجرالى ...وقعدت نصف ساعه بجد..بحاول اخرج من راسى كلمه هييييييييييييييصه.
----------------------------------------------
رأيتم هذا الرجل... هذا حال كثيرين منا وان لم يكم الكل حاله هكذا في المواصلات يرزقه الله بسائق أوبسيارة
غير صالحة للاستخدام الادمي .....إذن فماذا هو الحل ؟؟
الحل بسيط جدا جدا جدا!!!!!
يوجد حديث عن الرسول (صلوات ربي وتسلمياته عليه) يقول:{ إن العبد ليحرم الرزق بالذنب يصيبه } .
ماذا يقصد الرسول الكريم بالرزق في هذا الحديث؟؟
أهو المال أم الصحة أم الاولاد أم الفهم والتفكير أم النظر أم السمع أم الهضم أم الكلام أم أم أم .....
أليس كل هذا رزق ؟ اليس كل شيء وهبه الله لنا في هذه الدنيا رزق وبالتبعية فإن المواصلات رزق وطابور العيش رزق ....
إذن فالنرجع للحديث مرة أخرى
الرسول يقول "إن العبد ليحرم" تعالو نتأمل "إن" حرف توكيد ...."العبد" أولسنا عبادا لله ؟؟ فمن الذي سيحرم العبد فقط هو الذي سيحرم حتى يعود الى الله فيعطيه لكن الكافر يعطى حتى لا يكون له حجة يوم القيامة ....
"الرزق" وكما وصفناه بأعلى...."بالذنب" اوليس استيقاظنا الساعة ال7 او 6 ص و نصلى الفجر قضاء ..بذنب؟؟
بلى والله انه لمن كبائرها .....أوليس السيجارة التى تتناولها عند استيقاظك بذنب؟؟؟ أوليس عدم تطبيق شريعة الله في أرضه كما أمرنا الله بذنب؟؟ أوليس أوليس ......

إذن لماذا ناتي ونشتكي من صعوبة الحياة وأن حياتنا كلها غلاء وفقر وكذا وكذا

أخي إسمع معى هكذا قوله تعالى (ومن أعرض عن ذكري فإن له معيشة ضنكا) أولا ترى أن هذه الاية تنطبق علينا تمام الانطباق؟؟؟فالاية عالجت الامر وحسمته لماذا حياتنا ضنك؟؟ لأننا أعرضنا عن ذكر الله وطاعته ببساطة شديدة جدا
وفي النهاية أقول لقد كثر الكلام فماذا يعني الكلام إن لم يصدقه العمل؟؟؟؟

فهيا إخواني نأخذ بيد بعضنا البعض إلى الله والله والله والله لن تصلح دنيانا ولا أخرانا إلا بصلاح علاقتنا مع ربنا

فكل منا أعلم بنفسه وبتقصيره وأعلم أيضا كيف يصلح هذا التقصير .

والله أسأل أن تكون كلماتي هذه سببا في نهضة هذه الامة ورقيها وجزاكم الله خيرا
وننتظر تعليقاتكم..........